مرحبا
مما راق لي
قصيده للشاعر الحقيقي:خالد الفيصل
قصيده كثير اتمنى انها تنال اعجابكم
قالت من إنت ؟ وقلت مجموعة انسان
من كل ضد و ضد تلقين فيني
فيني نهار و ليل و أفراح و أحزان
أضحك و دمعي حايرٍ وسط عيني
فيني بداية وقت و نهاية أزمان
أشتاق باكر و أعطي أمسي حنيني
و أسقي قلوب الناس عشقٍ و ضميان
و أهدي حيارَى الدَّرب و أحتار ويني
و أحاوم صقور الهوا حوم نشوان
و أسيّل الوديان دمعٍ حزيني
في عيني اليمنى من الورد بستان
وفي عيني اليسرى عجاج السنيني
تهزمني النّجلا و أنا ند فرسان
و أخفي طعوني و المحبَّه تبيني
و إن ما عرفتيني فلاني بزعلان
حتَّى أنا تراني أحترت فيني